|
|
 |
|
بهڕێوهبهری ماڵپهڕ: خالید عهلی قادر / بۆ پهیوهندی کردن: 07701562245 یان gdarband@yahoo.com |
|
گۆڕانێکی سهقهتباو ئازاری دام !|380:جاربينراوه|بهروار: 16 03 2010|چاپکردن|سهرنجهکان: 0
ڕۆشار
 گۆڕانێکی سهقهتباو ئازاری دام ! ڕۆشار : که بینیم بهرههمی ساڵانێک له ماندو بوون و قوربانی دان و بهگژداچونهوهی کۆمهڵێک له ڕۆشنفیکری به ناوازه ههڵکهوتوی خۆڕاگری یاخی دژ به گهندهڵی و ناعهدالهتی دوو دهسهڵاتی زاڵدهستی تهتهری ، ههر وا بهسانایی پێچرایهوه ، خرایه ناو ههگبهیهکی سهرمۆر و درا بهشانی دهستهو تاقمێکی تهکهتولچی دهرکراوی بهجێماو له نێو ڕیزهکانی یهکێتی نیشتمانی که پێکهاتهیهکی سهقهتباو خامهیهک له خامهی خڵتهی حزبی بهسهرچوو( دز ، ترسنۆک ، درۆزن ، ههلپهرستی خۆبهرهپێشهوهن) . لهو دهستهو تاقمهی که مهبهستیانه بهناوی گۆڕانهوه ئیماراتی سێههمی گهندهڵی له تهک دوو ئیماراتی گهندهڵهوه ترهوه دابمهزرێنن .... بهڕاستی له ناخهوه ئازاری دام ....! لهڕێ ی نووسینهکانهوه ، له دانیشتنه تایبهتهکان ، لهگهڵ ( کاک حهمه تۆفیق ، کاک عهلی کهریمی ، کاک سهرکۆ عوسمان ، کاک مستهفای سهید قادر ، کاک شوان قلیسانی و چهندینی تر ) که ههرههمووی نوێنهری کاک نهوشیروان بوون به ئاشکرا وهک دهستهیهکی گۆڕانخوازانی حهقیقی پێمان ووتون .. تکاتان لێدهکهین ئهم گۆڕانه پهیامێکهو ئامانهته ، لهگهردنی ئێوهیه با تهسلیم به عهقڵی حزبی و خێڵهکی یهکی تهقلیدی سهقهتباوی تر نهکرێت ، لهوڕێگهیهوه با بهلاچهپهکی ههڵدێرا نهبرێت ، دهنا چهنده دڵسۆزو ڕاستگۆ بهگۆڕان بن دهرهنجام ههر ههڵهیهک ( له ئهستۆی ئێوهیه ) دڵنیا بن ئهو ڕۆشنفیکره یاخیانه لێتان نا بوورێن .. ههڵوێست و وهڵامی توندیان دهبێت .. گهر ئهمڕۆش نهبێت .. سبهی یان دووسبهی له ئاست بهرپرسیارێتی پرسیارهکاندا بێڕهحمانه لێپێچینهوهتان لهگهڵدا دهکهن ، چونکه ئهم گۆڕانه پاڵدانهوه نیه و بهکهماڵی ئیسراحهت بهههمان عهقڵی حزبی و خێڵهکی شوان ئاسا بڵێن مێگهل بڕۆن دهنگ بهگۆڕان بدهن . تهنیا وهڵامیش لای ئهو بهڕێزانهوه ههمووی لهسهر یهک نهبهرات دهیان ووت ههتا دوا ههڵبژاردنهکان ( لێمان ڕاوهستن ) . ئێمهش وهک ئهرکێکی ویژدانی بهسهبر وهستاو بووین . بهڵام ئێستاش دوایی ههڵبژاردنهوهو کاتیهتی لهسهر وهعدهی خۆیان مافی خۆمانه جهسوورانه بپرسین و بیسهلمێنین که ئێمه چینێکی یاخین و دهتوانین سنووری مێگهلی بۆ خۆمان و کۆمهڵگه پێکهوه بێئاوڕدانهوه ببهزێنین.....! بهڵام ئهم گۆڕانه سهرسامی کردوین چونکه به ئاشکرا دیاره نهخۆشیهکی سامناک له جهستهی دهدات و گۆڕانێکی حهقیقی بهرهو گۆڕانێکی نا تهندروستی نادیاری دهبات ، له گۆڕانێکی فیکری گشتگیریه بهرهو گۆڕانی ئینقلابێکی نهێنی هێواشی لهلایهن دهستهو تاقمێکهوه دهبات ، بۆ دروستکردنهوهی یهکێتیهکی 18 ساڵ لهمهوبهربۆ تۆڵه کردنهوهیهکی زاتی نێوان دوو کهس ، یهکێک لهههرهسدا و یهکێک لهسوڵتهدا .
گۆڕان فیکرهیهکی نوێخوازه له نێوهند جیاوازی ناشیرینیهکان و جوانیهکاندا ، له نێوان عهدالهت و ناعهدالهتیدا ، ماف و بێ مافیدا ، بههاو بێ بههاییدا دروست بووه و بۆته بزووتنهوهیهکی فیکری گشتگیری بۆ ههرهس پێهێنانی عهقڵی چاخه چهقبهستوه حزبی و خێڵهکیهکهی ئهمڕۆی کوردستان که بهردهوام بهربهستێکی ڕێگرن له ئاست بهشارستانی کردنی کۆمهڵگه . بهڵام ئهم گۆڕانه له خاوهنهکانی دزراو کرایه گۆڕانێکی ئینقلابی که من به خیانهتێکی گهورهی نهتهوهیی دهزانم ، ههرگیز ڕێگه به خۆم نادهم بهشێک لهو ئینقلابه تۆڵهیه بم . به دڵنیاییهوه دهیڵێم ئهم گۆڕانه له کۆمهڵێک درۆ و ههڵخهڵهتاندن زیاتر هیچی تر نیه . بۆیه بێگهڕانهوه بڕیارم داوه کۆمهڵێ ڕوونکردنهوهی تر بهدوای ئهم نووسینهمدا بهێنم .
خۆێنهری خۆشهویست : من نووسهری کوردستان پۆستی خۆشهویستم و بهشانازیشهوه دهیڵێم ، بهڵام ئێستا لهبهر ئهوهی کوردستان پۆستی ئازیز لهژێر کاریگهری کۆمهڵێ فشاری کهسایهتیدایه بۆ ئهوهی نهبمه هۆکاری ئیحراجی ئهو ئازیزانه ، منیش وهک کهسێکی ئازاد بڕیارم دا ئازادی بۆ نووسینهکانم بهرفراوان بکهم و بهڕێزهوه ماڵئاوایی لهو مینبهره خۆشهویسته بکهم ڕوو له کهناڵی میدیاکانی تر بکهم ، چونکه بهڕاستی من وهک کهسێکی گۆڕانخوازی حهقیقی ناتوانم بکهومه ژێر کاریگهری هیچ فشارێکهوه و ڕێگه به ناعهدالهتی و ناڕاستی بدهم ئهگهرچی لهناو گۆڕانیشدا بێت .
ڕۆشار 15 / 03 / 2010
|
بابهتی زیاتر...
سید صلاح و.... باوکی دوین محمد دهربهندی له سوید باوکی دوین ئومێد خۆشنوس موحسین کەریم ئیبراهیم بالیسانى |
 |
 |
 |