|
|
 |
|
بهڕێوهبهری ماڵپهڕ: خالید عهلی قادر / بۆ پهیوهندی کردن: 07701562245 یان gdarband@yahoo.com |
|
تونێلی شاخی ئهزمڕ خهونی شاعیرانهی جهمال شارباژێری بوه و هاتهدی|499:جاربينراوه|بهروار: 18 03 2010|چاپکردن|سهرنجهکان: 0
ن: مستهفا ڕابهر - لهندهن
 جهمال ئهمین عارف شارباژێڕی (له گوندی واژه له ناوچهی شارباژێڕ (چوارتا) له 16/10/1941 له دایك بوه، بهشاعیرێكی بێ وهیو ههست ناسك و نوێخواز ناسراوه ، تهنیا ئهم كۆپله شیعرهی زبری پێوه دیاره كهڕهنگه دژی كهسێكی دڵڕهق ووترابی ، یان ههست دهربڕینێكه بهرامبهر دڵ شكان و ئازاری گیان. ئهگهر كوڕه ئاغایهكی، بهزهبری، قاسهپڕ ئهبووم ئهگهر
بهڕێوهبهرێكی، دهستڕۆییشتووی، دهستبڕ ئهبووم ********** له چامهی ( بۆ چلهی ڕۆناكی هاوسهرم)دهلێ: ئهوهتهی ههم ، لهوهتهی بووم دهست بهرداری كهسێ نهبووم تادهست بهردارم نهبووبێت تا زۆر تینیان بۆ نههێنابام له كهسێك نهڕهنجاوم هۆ هاوسهرهكهی سی و دوو ساڵهی پچر پچڕم ********** خهلك به شادمانیهوه پێشوازیان لهو بڕیاره مێژوویه كرد سهبارهت به دژواری ئابلۆقهی ئابوری نێودهولهتی له سهر ڕژێم و خهلكی عیراق. ئهوه بوو ههر كهسهی لای خۆیهوه بهجۆرێك لێكی ئهدایهوه ههندی كهس ههبوون دیانگۆت ئهم پرۆگرامه جلو وبهرگ ، ماسی قوتوكراو ، بیرهی قوتو توتن و جگهره و شتی سهیرو سهمهرهی تر ئهبهخشێتهوه ههمو پێداویستیهكانی هاولاتیان دابین دهكات بهلام ئهفسوس بههۆی گهندهلی سهرپهرشت كهرهكانی بوو به خێرۆ بهرهكهت بۆ دزهكان . بهڕێكهوت لهو ڕۆژگاره كه باس ههر باسی ئهو بڕیاره بوو جهمال شارباژێڕی بۆ كارێك سهردانی ئهندازیار عومهر فهتاح حسهین دهكات لهقهلاچوالان ، سهر له ئێواره لهگهل ئهو دهگهڕێتهوه بۆشار كه دهگهنه سهر شاخی ئهزمڕ كاك جهمال لێی دهپرسی ئایا ئهم پرۆگرامهی نهوت بهرامبهر خۆراك ڕیگه و بانیش دهگرێتهوه كاك عومهر دهلێ بهلێ ، پرد دروست كردنیش كاكی بهئهری وهلامی ئهداتهوه ، باشه ئهی تونێل كاكی بهسهر سوڕمانهوه دلێ یهعنی چی؟ جهمال دهلێ ئهم ژێر ئهزمڕه ئهگهر تونێلێكی بۆ بكرێت سلێمانی و شارباژێر لهیهك دهدهن سلێمانی پهل دههاوێت و مهزن تر دهبیت ، ناوچهكه ئاوهدان دهبێتهوه كاكی دهلێ دووعابكه نانێكمان بدهنی بیخۆین تونێلی چی (شاعیرهكان ههروا ههمیشه خهون به شتی زل و خهیاڵی دهبینن) جهمال دهلێ نهك ههر ئهزمڕ بهلكو بۆ ههیبهت سولتانیش پێویسته بهلام كاكی سهری خۆی بۆ با ئهدات ، ههڵبهت وهكو بیرمهندێكی هاوچهرخی بهریتانی دهلێ : ئهركی شاعیر ئهوهیه ناو لهو شتانه بنێت كه ناوی لێ نانرێت یان ناوی لێ نهنراوه ، كاری ساخته و چواشهكاری دهست نیشان بكا ، سهیری ئهمبهرو ئهو بهر بكات ، مشتومڕ ساز بكات ، شێوه و ڕوخسار به جیهان بدات ، نهیهلی دونیا بهرهو ئهوه بڕوات خهوی بكهوێت. دیاره گهشبین ئهو كهسهیه ڕۆشنایهك بهدی ئهكات كه دیار نیه ، بهلام ڕهشبین ههمێشه ڕادهكات بۆئهوهی فوی لێ بكات. تونێلی شاخی ئهزمڕ یان تۆنێلی (پێشڕهو) 2،400 مهتر درێژه 8،5پانه 7،65 مهتر بهرزه ، ڕێگهی 15كیلۆمهتری شاخاوی كورت كردوتهوه بۆ 8 كیلۆمهتری تهخت. تونێلهكه له 27/4/2005 هوه دهستی پێكرد و لهڕۆژی 2/ تهمووزی سالی 2009 بهفهرمی كراوهتهوه سهرچاوه: ٭ كاك جهمال بهدهم گلهیی كردنهوه كه كهس باسی پێشنیارهكهی ئهمیان نهكردوه ئهم باسهی بۆمن گێراوهتهوه ٭ مالپهڕه كوردیهكان ٭ گۆڤاری مهلبهندی ڕۆشنبیریی كورد - لهندهن ژماره ١٠١/٢٠٠٩ |
بابهتی زیاتر...
م.خاليد م.خاليد گەرمیان عەزیز گهرمیان عهزیز خاليد سهروهت بهریتانیا گهرمیان عهزیز |
 |
 |
 |